Ağstafada ŞOK OLAY: Yeniyetmələr qız üstündə dava etdilər və sonra…

Ağstafa rayonunda 2006-cı il təvəllüdlü Nizami tanışı Hüseyni (adlar şərti verilib – red.) bıçaqlayıb.

Hadisə 24 oktyabr 2021-ci ildə Ağstafa rayonunun kəndlərindən birində baş verib.

Nizami nənəsinə məxsus evin qarşısında 2005-ci il təvəllüdlü Hüseynə bıçaqla xəsarət yetirib. İstintaq orqanı tərəfindən Nizaminin barəsində Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Nizami ona elan olunmuş ittiham üzrə özünü təqsirli bilib. O bildirib ki, Ağstafa rayonunda qeydiyyatda olsa da, Bakının Binəqədi qəsəbəsində kirayədə yaşayır: “Binəqədi rayonunda tam orta məktəbin şagirdi olmuşam. Hüseyni 2020-ci ilin yay aylarında kənddə olan zaman tanımışam. Həmin vaxtdan sonra onunla münasibətlərim yaranıb. Kənd sakini Leyla adlı qızı 6 ildir tanıyıram. Bir neçə il bundan əvvəl Leylaya qarşı sevgi münasibətim yarandı. Mən kəndə gələndə hərdən Leylanı görəndə onunla danışırdım”.

Təqsirləndirilən şəxs qeyd edib ki, Nizami Leyla adlı qızı sevdiyinə görə 2019-cu ilin yay ayında onuna sözlə mübahisə edib, lakin həmin vaxt aralarında dava-dalaş olmayıb: “Hadisədən təxminən 1 həftə əvvəl Binəqədi qəsəbəsində kirayədə yaşadığım küçədə hasara ağ rəngli boya ilə “Leyla” adının yazıldığını gördüm. Yazının yanında şəkil çəkdirib mobil nörəmlə qeydiyyatdan keçdiyim vatsap proqramının səhifəsində paylaşdım. Hüseyn məndən vatsapda həmin şəklin nə olduğunu soruşdu. Şəkli Bakı şəhərində olan zaman çəkdirdiyimi dedim. Hüseyn daha mənə heç nə yazmadı”.

Təqsirləndirilən şəxs bildirib ki, 22 oktaybr 2021-ci ildə Ağstafa rayon hərbi komissarlığında qeydiyyata düşmək üçün kəndə gəlib:

“Lakin sənədlərim düzəlmədiyi üçün iş bir qədər uzandı. Oktyabrın 24-də saat 18 radələrində nənəmin evindən çıxdım, yaxınlıqda olan bulaqdan su götürməyə getdim. Evdən çıxanda Hüseyn və Elmarın nənəmin evinə tərəf gəldiyini gördüm. Məni çağırdıqda onların yanına getdim. Məndən soruşdular ki, vatsapda paylaşdığım “Leyla” adı olan şəkil nədir? Cavab verdim ki, Bakı şəhərində çəkdirdiyim adi bir şəkildir. Onlar söyüş söyməyə başladılar. Qonşumuz Qəmər adllı qadın evdən çıxdı, bizim dalaşmamağımızı dedi.

Uşaqlara oradan uzaqlaşaraq söhbət etməyi məsləhət gördüm. Yaxınlıqda olan bulağa gəldik. Oraya çatdıqda Hüseynlə Elmar şəklə görə yenə mübahisə etməyə başladılar. Onlara Leylanı sevdiyim zaman şəkli çəkdirdiyimi dedim. Hüseyn mənə Leyladan uzaq durmağımı, onu sevməməyimi bildirdi. Mən isə artıq Leylanı sevmədiyimi dedim”.

Nizaminin sözlərinə görə, Hüseyn Leylanı sevənin barəsində nalayiq söyüşlər söyüb: “Mən əlimlə Hüseyni sinəsindən itələdim. O, yumruqla alnımın sağ tərəfinə vurdu. Mən də yumruqla 4-5 dəfə Hüseyinin başına vurdum. Hüseyn yumruqla sol gözümə vurdu və anamın ünvanına nalayiq söyüş söydü. Mən də söyüşü ona qaytardım. Bundan sonra Hüseyn və Elmar üstümə tərəf gəldilər.

Şalvarımın sağ arxa cibində olan qatlanan, düymə ilə açılan bıçağı çıxardaraq sağ əlimə götürdüm. Bıçaqla bir neçə dəfə sol yanı mənə tərəf olan Hüseynin kürək nahiyəsinə vurdum, sonra ondan aralandım. Hüseyn isə bir neçə metr arxaya getdi. Əli ilə yoxlayanda kürəyinin qanadığını bildi.

Elmar yanıma gəldi və Hüseyni bıçaqla vurub-vurmadığımı soruşdu. Mən də vurduğumu dedim”.

Təqsirləndirilən şəxs qeyd edib ki, bıçağı qatlayaraq əynində olan şalvarın sağ yan cibinə qoyub: “Nənəmin evinə getdim, hamamda üzümə su vurdum. Bıçağı su qızdırılan çənin üstünə qoydum. Sonra evdə sol gözümə buz qoydum.

Bir neçə dəqiqə sonra atam yanıma gəldi. Məndən nə baş verdiyini soruşdu. Hüseynlə dalaşdığımı dedim. Evdən çıxıb kəndin kənarına getdim. Bir neçə saat sonra atam zəng vurdu və polislərin məni axtardığını, gəlməli olduğumu dedi. Mən isə kəndin mərkəzinə tərəf getdim. Atamın əmisi oğlu Əli və polis əməkdaşları ilə görüşdüm. Oradan da Ağstafa rayon polis şöbəsinə gəldik”.

İş üzrə zərərçəkmiş Hüseynin sözlərinə görə, oktyabrın 23-də “İnstaqram” sosial şəbəkəsindən ona SMS gəlib: “SMS-i oxuyanda dostumun bacısı olduğunu gördüm. Mən inanmayıb araşdırdım və məlum oldu ki, dostumun bacısı adı ilə mənə SMS yazan Nizamidir. Nizaminin kənddə olduğunu bildim və onunla bu barədə söhbət etmək qərarına gəldim”.

Zərərçəkmiş qeyd edib ki, oktyabrın 24-də, saat 18 radələrində dostu Elmar onun yaşadığı evə gəlib: “Elmara Nizaminin etdiyi hərəkətləri danışdım. Elmar Nizaminin ona da yazdığını dedi. Qərara gəldik ki, Nizami görüşüb bu barədə söhbət edək. Buna görə də Nizaminin yaşadığı evə getdik, onu evdən çağırdıq. Bir az kənarda söhbət etməyi, onunla işimiz olduğunu dedik. Birlikdə kənddə kənar yerə getdik. Orada iradımızı bildirdik. Nizami əvvəlcə etiraf etmədi.

Bundan sonra “SMS yazana söyüş söyüm?” dedim. Nizami də həmin söyüşləri mənim ünvanıma dedi. Ona görə aramızda mübahisə yarandı. Nizaminin sifət nahiyəsinə zərbə vurdum, əlbəyaxa olduq. Bu zaman kürəyimə ardıcıl olaraq bir neçə dəfə nə isə batdığını hiss etdim. Nizaminin əlində bıçaq olduğunu gördüm.

Ağrıdan aşağı çökdüm. Dostum Elmar Nizaminin məni bıçaqladığını dedi, mənə yaxınlaşıb köməklik etdi. Nizami isə çıxıb getdi”.

Bu cinayət işinə Gəncə Ağır Cinayətlər Məhkəməsində baxılıb. Məhkəmənin hökmü ilə Nizaminin barəsində Cinayət Məcəlləsinin 70-ci (şərti məhkum etmə) maddəsi tətbiq olunub.

Ona 2 il sınaq müddəti olmaqla 3 il şərti cəza verilib./Teleqraf.com