• 14.11.2023 09:46

Moskvadan qayıdıb arvadını öldürdü – Xəyanət şübhəsi, gizli “WhatsApp” yazışması – FOTO

Moskvadan qayıdıb arvadını öldürdü – Xəyanət şübhəsi, gizli “WhatsApp” yazışması – FOTO

2022-ci il noyabrın 11-də Bakının Sabunçu rayonu Maştağa qəsəbəsi, Savalan yeni yaşayış massivində 1984-cü il təvəllüdlü Sevinc Müseyibova qətlə yetirilib. Məlumatla əlaqədar dərhal prokurorluq və polis əməkdaşları məhkəmə-tibbi ekspertinin iştirakı ilə hadisə olan evə baxış keçirilib.

Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hadisəni törədən 1978-ci il təvəllüdlü Vidadi Müseyibov isti izlərlə saxlanılıb.

Lent.az məlum qətl hadisəsinin istintaq materiallarını əldə edib.

İstintaqla müəyyən edilib ki, Vidadi Müseyibov Rusiya Federasiyasının Moskva şəhərində olduğu müddətdə, arvadı Sevinc Müseyibova onun telefon zənglərinə tez-tez cavab verməyib, aktiv şəkildə sosial şəbəkədən istifadə edib. Bununla belə, 2022-ci il noyabrın 10-da V.Müseyibovun oğlu ona anasının əvvəllər iş yoldaşı olmuş Rövşən Məmmədovla telefon əlaqələrinin olması barədə məlumat verib. Bütün bunlardan sonra V.Müseyibov arvadının ona xəyanət etməsindən şübhələnib.

Baş verənləri aydınlaşdırmaq üçün noyabrın 11-də təyyarə ilə Bakıya gəlib, Savalan qəsəbəsində yerləşən kafedə spirtli içki qəbul edib, həyat yoldaşının işdən evə qayıtmasını gözləyib. Saat 21 radələrində orta dərəcəli sərxoş vəziyyətdə evə gələrək, arvadından kiminlə münasibətdə olduğunu soruşub, SMS yazışmalarına baxması üçün mobil telefonunu ona verməsini tələb edib.

Sevinc Müseyibova əlində saxladığı telefonu ona verməkdən imtina etdikdə, sağ əli ilə qadının üzünə yumruqla zərbə vurub, telefonu zorla əlindən alıb. O, arvadının Rövşən Məmmədovla “WhatsApp” tətbiqində yazışmaları olduğunu görüb, xəyanətinə əmin olaraq, qısqanclıq zəminində onu öldürmək qərarına gəlib. Bıçaqla müstəsna dərəcədə rəhmsizliklə əvvəlcə evin dəhlizində, sonra isə arxasınca qaçıb, həyət qapısının qarşısında ümumilikdə 13 dəfə zərbə vuraraq, arvadını öldürüb.

İş üzrə dindirilmiş Vidadi Müseyibov bildirib ki, hadisədən təxminən doqquz ay əvvəl tikinti sahəsində işləyib, pul qazanmaq üçün Moskva şəhərinə gedib. Demək olar ki, hər gün, həyat yoldaşı və uşaqları ilə telefonla əlaqə saxlayıb, pul köçürmə sistemi vasitəsi ilə onlara pul göndərib:

“Təxminən son 2-3 ay ərzində arvadımın mənə qarşı münasibətinin soyuduğunu hiss etdim. Gah zənglərimə cavab vermirdi, gah da “WhatsApp” tətbiqi vasitəsi ilə danışarkən tez-tez görüntünü bağlayırdı.

Noyabrın 10-da kiçik oğlum mənə görüntülü zəng edib, anasının Rövşən adlı keçmiş iş yoldaşı ilə tez-tez telefonla əlaqə saxladığını dedi. Hətta onların arasında olan səs yazılarını da mənə göndərdi. Oğluma heç nə etməməsini tapşırdım, dedim ki, özüm evə qayıdıb məsələni aydınlaşdıracam. Növbəti gün, təyyarə ilə Bakıya gəldim, yaşadığım qəsəbədə kafedə yemək yeyərkən, 200 qram araq içdim. Saat 21 radələrində evə gələndə, qapını açan Sevinc məni görüb təəcübləndi.

Vidadi Müseyibov

Əlindəki telefonu mənə verməsini tələb edəndə, arvadım üzü hamam otağına tərəf qaçdı. Arxasınca qaçıb sağ əlimlə saçından tutdum, sol əlimlə üzünə yumruqla zərbələr vurdum. Sonra isə zorla telefonu dartıb əlindən aldım. “WhatsApp” tətbiqinə baxanda, həqiqətən də onun Rövşən adlı şəxslə yazışdığını gördüm və qəzəblənərək, aqressiv şəkildə Sevincdən “bu nə danışıqlardı” deyə soruşdum. Aralarında yaxın münasibət olub-olmadığını soruşduqda, yoldaşım bunu inkar edərək, oğlumun ona şər atdığını dedi. Bıçaqla arvadımın arxasınca qonaq otağına girib, ona zərbələr vurmağa başladım. Sevinc müqavimət göstərərək, pəncərədən həyətə tullandı. Bunu görüb dərhal həyətə çıxdım və qapıdan qaçmağa çalışan yoldaşımı tutaraq, bıçaqlamaqda davam etdim. Bu zərbələrdən sonra Sevinc bir neçə addım atıb yerə yıxıldı. Özümə gələndə evin yaxınlığında oturduğumu və üzərimə yağış yağdığını xatırlayıram. Saat 21:50-də Daxili İşlər Nazirliyinin 102 xidmətinə zəng etdim. Lakin telefonda Rusiya mobil operatoruna məxsus nömrə olduğundan zəng alınmadı. Bundan sonra həmin quruma Sevincin telefonu ilə zəng edərək, adam öldürdüyümü bildirdim. Bir azdan hadisə yerinə gələn polis əməkdaşlarına təslim oldum”.

Hadisə olan ev

Zərərçəkmiş şəxsin hüquqi varisi Vahid Xankişiyev ifadəsində göstərib ki, qızı Sevinc 2000-ci ildə Vidadi Müseyibovla ailə həyatı qurub, bu nikahdan üç övladları dünyaya gəlib:
“2015-ci ildə maddi vəziyyətləri pis olduğundan Sevinc metronun “Koroğlu” stansiyasının yaxınlığında yerləşən şirkətdə aşpaz köməkçisi, 2021-ci ildə evlərinin yaxınlığındakı tikiş sexində dərzi, son aylarda isə Bilgəh qəsəbəsində yerləşən fərdi evdə xadimə işləyib. Sevincin Vidadi ilə münasibəti bu illər ərzində yaxşı deyildi, daim evlərində söz-söhbət olurdu.

Qızım dəfələrlə acıq edib, evimizə gəlib. Hətta 2022-ci ilin yanvar ayında, boşanma ilə bağlı Xəzər rayonunda yerləşən Mediasiya Şurasına müraciət etsək də, Vidadi üzrxahlıq edib və arvadı ilə barışıb. Noyabrın 11-də evdə olanda oğlum bizə gəlib Vidadinin Sevinci bıçaqla vurduğunu xəbər verdi. Taksi ilə 3 saylı şəhər Kliniki Xəstəxanasına çatanda həkimlərdən qızımın öldüyünü öyrəndim”.

Sevinc Müseyibova

Şahid Eldəniz Zamanov bildirib ki, noyabrın 11-də axşam evdə olanda, çöldən darvazaya nəyinsə möhkəmdən çırpıldığını eşidərək, məhəlləyə çıxıb:

“Vidadinin sağ əlində bıçaqla öz darvazasının qarşısında dayandığını gördüm. Nə baş verdiyini, niyə əlində kəsici alət saxladığını soruşduqda, Vidadi qapılarından sol tərəfdə, yerdə uzanmış Sevinci göstərib, onu öldürdüyünü dedi. Qadının xırıldadığını görüb avtomobilimi darvazadan küçəyə çıxartdım. Sevinci yerdən qaldıraraq, maşının arxa oturacağına uzatdım. Yaşayış massivindən çıxanda Təcili Tibbi Yardım maşını ilə üzbəüz gəldim. Onları saxlatdırıb, yaralanan qadının maşınında olması barədə məlumat verdim. Həkimlər də dərhal Sevinci düşürüb, öz maşınlarına keçirdilər. Təcili Yardım maşınının arxasınca xəstəxanaya getdim”.

Şahid əlavə edib ki, Vidadi ilə Sevincin əvvəllər mübahisə etdiklərini və qadının əxlaqsız hərəkətlərini görməyib.

Hadisə olan ev

Şahid Cahid Müseyibli bildirib ki, noyabrın 10-da gecə atası sərxoş vəziyyətdə, görüntülü zəng edib və kobud danışdığı üçün, anası acıq edərək telefonu söndürüb:

“Bir qədər sonra anam mənə ismarıc yazaraq, atamın onu söyüb, təhqir etdiyini bildirdi. Mən isə cavabımda anama atamın içkili olduğunu və sözlərinə fikir verməməsini dedim. Ayın 11-də işdən çıxıb, evə gələndə qardaşım Cavidin sürdüyü “Opel” markalı avtomobilin kafenin qarşısında dayandığını gördüm. İdarə etdiyi maşını saxlayaraq kafeyə daxil olanda, atam ilə qardaşımın bir masada əyləşdiklərini gördüm. Atamın Bakıya gələcəyindən məlumatım yox idi. Salamlaşsam da, atam məni danışdırmadı. Kafedən çıxandan sonra, mənim maşınıma əyləşdilər və maşını Nardaran qəsəbəsi istiqamətində sürdüm. Yolda atamdan nə üçün gəldiyini soruşanda, o, aqressiv şəkildə mənə “maşını sür” deyə cavab verdi. Qardaşım Cavid də qorxusundan mənə heç bir söz demədi. Saat 21 radələrində məhəlləyə çatanda, atam hər ikimizin üstünə qışqıraraq “maşında oturmağımızı” bildirərək evə getdi. Mən də avtomobilin mühərrikini söndürüb, qardaşımla birlikdə telefonla oynamağa başladıq.

15-20 dəqiqədən sonra evimizin həyət qapısı çırpılanda, dərhal maşından düşdük və anamın yerə yıxıldığını gördük. Anamın əynində tünd rəngli paltar, həmçinin küçə qaranlıq və hava yağışlı olduğundan, onun bədənindən qan axdığını görmədik. Atam Vidadi “vurdum, onu öldürdüm” deyə qışqırırdı. Baş verənlər yuxu kimi gəlirdi. Keçirdiyim şok səbəbindən anamın xəstəxanaya necə aparıldığını bilmədim. Az sonra polis əməkdaşları gəlib, atamı 14-cü bölməyə apardılar.

Hadisənin hansı səbəbdən baş verdiyini sonra Caviddən öyrəndim. Qardaşımın söylədiyinə görə o, anamızın başqa şəxslə telefonla danışmasından şübhələnib. Onun otağına öz telefonunu qoyaraq səsin yazıb, sonra isə onu atama göndərib. Məhz buna görə atam telefonda anamı söyüb və növbəti gün bilet alaraq, Bakıya gəlib”.

Məhkəmə iclasında Vidadi Müseyibov ittiham üzrə özünü qismən təqsirli bilib. Zərərçəkmiş şəxsin hüquqi varisi təqsirləndirilən şəxsdən şikayətçi olduğunu bildirib.

Məhkəmə hesab edib ki, Vidadi Müseyibovun əməli Cinayət Məcəlləsinin 120.2.4-cü (xüsusi amansızlıqla qəsdən adam öldürmə) maddəsindən 120.1-ci (qəsdən adam öldürmə) maddəsinə tövsif edilməlidir. Təqsirləndirilən şəxsə qanunla müəyyən edilmiş qaydada həmin maddənin sanksiyası həddində azadlıqdan məhrum etmə növündə cəza təyin edilməlidir.

Bakı Ağır Cinayətlər Məhkəməsinin hökmü ilə cəzasını ciddi rejimli cəzaçəkmə müəssisəsində çəkməklə Vidadi Müseyibov 10 il 6 ay müddətinə azadlıqdan məhrum olunub.

DİGƏR XƏBƏRLƏR

Sabiq məhkəmə sədrinə 4615 manat pensiya hesablandı – Narazı qaldı

Sabiq məhkəmə sədrinə 4615 manat pensiya hesablandı – Narazı…

Keçmiş məhkəmə sədri Vladimir Ruvinov pensiyasının az hesablandığını əsas gətirərək məhkəməyə müraciət edib. “Qafqazinfo”nun məlumatına görə, 15 il hakimlik etmiş…
Mübahisəli cərimələr zamanı – Nə etməli?

Mübahisəli cərimələr zamanı – Nə etməli?

Azərbaycanda bəzi sürücülərin üzləşdiyi ən ciddi problemlərdən biri də mübahisəli cərimələrdir. Bununla əlaqədar İTV sujet hazırlayıb. Belə sürücülərdən biri də…
Rəcəb Tayyib Ərdoğan Azərbaycanla imzalanmış üç sazişi təsdiqlədi

Rəcəb Tayyib Ərdoğan Azərbaycanla imzalanmış üç sazişi təsdiqlədi

Türkiyə Prezidenti Rəcəb Tayyib Ərdoğan Azərbaycan Respublikası ilə müxtəlif sahələrdə əməkdaşlığı nəzərdə tutan üç ikitərəfli sazişi təsdiqləyib. Sənədlər “Resmi Gazete”də…
“Bununla heç bir alim ailə dolandıra bilməz” – Maaşını açıqladı

“Bununla heç bir alim ailə dolandıra bilməz” – Maaşını…

“Əməkhaqqı məsələsi ən ciddi problemdir. Məsələn, mənim aylıq əməkhaqqım 1370 manatdır, digərlərinin əməkhaqqı 600-900 manatdır”. Proses.az xəbər verir ki, bunu…
“Tarqovıy”da piyadaların arasında “Prius” sürdülər – VİDEO

“Tarqovıy”da piyadaların arasında “Prius” sürdülər – VİDEO

Sosial şəbəkələrdə yayılan görüntülər müzakirələrə səbəb olub. Milli.Az bildirir ki, şəhərin mərkəzində, “Tarqovıy” adlanan ərazidə “Prius” görənlər mobil telefonla onu…
Bakıda Zelenskinin oxşarı tapıldı – VİDEO

Bakıda Zelenskinin oxşarı tapıldı – VİDEO

Bakıda çəkilən kadrlar maraq doğurub. Zelenskiyə bənzəyən şəxsin Bakıda peyda olması müzakirələrə səbəb olub. Təkcə siması yox, geyimi ilə də…
Aygün Səmədzadəyə vəzifə verildi

Aygün Səmədzadəyə vəzifə verildi

Fikrət Əmirov adına Gəncə Dövlət Filarmoniyasına yeni direktor təyinatı olub. Bu barədə Mədəniyyət Nazirliyi məlumat yayıb. Bildirilib ki, mədəniyyət naziri…
Corablarında 40 min dollarla tutulmuşdu – Azadlığa buraxıldı

Corablarında 40 min dollarla tutulmuşdu – Azadlığa buraxıldı

Gürcüstan vətəndaşı olan yük avtomobili sürücüsü “Qırmızı Körpü” gömrük postunda 60 min ABŞ dollarını qaçaqmalçılıq yolu ilə Azərbaycana keçirmək istəyərkən…
Bu qan qrupundan olanlara XƏBƏRDARLIQ

Bu qan qrupundan olanlara XƏBƏRDARLIQ

Yeni araşdırmaya görə, AB qan qrupu olan insanların “Alzheimer” xəstəliyinə tutulma riski digər qan qruplarına sahib olanlara nisbətən yüzdə 82…
Məşhur aktyor “Komedixana”dan bu səbəbə gedibmiş – FOTO

Məşhur aktyor “Komedixana”dan bu səbəbə gedibmiş – FOTO

Aktyor Cavidan Novruz “Komedixana”dan növbəti dəfə getməsi haqda sualları cavablandırıb.  Proses.az xəbər verir ki, aktyor bu haqda “Elgizlə izlə”də danışıb. “Azərbaycanda…
Hamının “film çəkirlər” dediyi kameralar bunun üçün imiş – VİDEO

Hamının “film çəkirlər” dediyi kameralar bunun üçün imiş –…

Son günlər paytaxtda nəqliyyat axınının güclü olduğu bir sıra yollarda quraşdırılmış kameralar hərəkət iştirakçılarının marağına səbəb olub. Sosial şəbəkələrdə yayılan…
Eltisini evin mətbəxində əməliyyat edibmiş…

Eltisini evin mətbəxində əməliyyat edibmiş…

Məlum olduğu kimi, Milli Məclisin bu gün keçirilən plenar iclasında deputat Səyyad Salahlı plastik əməliyyatlar zamanı baş verən neqativ hallarla…
Elgünün yaralı halda tapıldığı yerdən görüntülər – VİDEO

Elgünün yaralı halda tapıldığı yerdən görüntülər – VİDEO

Xəbər verdiyimiz kimi, mayın 13-nə keçən gecə Gəncə şəhər sakini 18 yaşlı Elgün İbrahimov Məmməd Xələfov küçəsi 115 ünvanında –…
Prezidentləri güldürən sürpriz… – Video

Prezidentləri güldürən sürpriz… – Video

Xəbər verdiyimiz kimi, Albaniyanın paytaxtı Tirana şəhərində “Avropa Siyasi Birliyi” 6-cı Zirvə toplantısının açılış mərasimi keçirilir. Azərbaycan Prezidenti İlham Əliyev…
Məşhur “Chailab” restoranı 20 min cərimələnib – Aşpaz köməkçisi şikayət edib

Məşhur “Chailab” restoranı 20 min cərimələnib – Aşpaz köməkçisi…

Bakının məşhur restoranlarından biri olan “Chailab” əmək müqaviləsiz işçi işlətdiyi üçün 20 min manat cərimələnib. Musavat.com-un əldə etdiyi məlumata görə,…