“Təslim olan Ukrayna hərbçilərinin sayı kəskin artıb” – Putin

Rusiya Prezidenti Vladimir Putin bildirib ki, son vaxtlar təslim olan ukraynalı əsgərlərin sayı kəskin artıb.

Proses.az qafqazinfo-ya istinadən xəbər verir ki, bu barədə o Duma fraksiyalarının liderləri ilə görüşündə deyib.

“Əsir kimi təslim olan Ukrayna hərbçilərinin sayı kəskin artıb”, – Putin vurğulayıb.

O, həmçinin əsirlərin dəyişdirilməsi üzrə işlərin aparıldığını bildirib.

Qeyd edək ki, bundan əvvəl Rusiya Müdafiə Nazirliyi dekabrın 9-dan dekabrın 15-dək Ukrayna Silahlı Qüvvələrinin 80-dən çox əsgərinin könüllü təslim olduğunu və ya Rusiya hərbçiləri tərəfindən əsir götürüldüyünü açıqlamışdı.