Bu təhsil idarələrinə də yeni müdirlər təyin edildi

Şəki-Zaqatala və Lənkəran-Astara Regional Təhsil İdarələrinə yeni müdirlər təyin edilib.

Medianews.az xəbər verir ki, bu barədə Elm və Təhsil Nazirliyi (ETN) məlumat yayıb.

Bildirilib ki, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin Şəki – Zaqatala Regional Təhsil İdarəsinin müdiri Mehdiyev Bəhruz Yusif oğlu Lənkəran – Astara Regional Təhsil İdarəsinin müdiri vəzifəsinə təyin edilib.

Şəki – Zaqatala Regional Təhsil İdarəsinin müdiri vəzifəsinin icrası isə regional idarənin müdir müavini Mahmudova Günay Rasim qızına həvalə edilib.

Qeyd edək ki, ötən gün Quba-Xaçmaz Regional Təhsil İdarəsinə yeni müdir təyin edilib. Bu vəzifəyə Abşeron -Xızı Regional Təhsil İdarəsinin müdir müavini Coşqun Əliyev gətirilib. Təhsil İdarəsinin sabiq müdiri Rüfət Hacıyev ötən ay istefa verib.