“Müasir Azərbaycan Qadını” İctimai Birliyi Masallıda layihə həyata keçirdi – FOTOLAR

Azərbaycan Respublikası Qeyri-Hökumət Təşkilatlarına Dövlət Dəstəyi Agentliynin maliyyə dəstəyi ilə Masallı rayonunda “Müasir Azərbaycan Qadını” İctimai Birliyi “Erkən nikahlar qadın hüquqlarının pozulması kimi” adlı layihəni həyata keçirtdi.

Proses.az xəbər verir ki, təlimdə layihə rəhbəri Kəmalə Muradlı layihənin əsas məqsəd və vəzifəsi haqqında təlim iştirakçılarına məlumat verdi. Bildirildi ki, erkən nikahdan doğulan uşaqların müxtəlif xəstəliklərlə üzləşdiyini gənc qadınların fiziki, mənəvi və psixoloji sarsıntılara məruz qaldığı, erkən nikahlara təhrik edilən qızların hüquqlarının müdafiəsi mexanizmi izah edildi.Çıxış üçün söz layihənin hüquqşünası “Hüquqşünas Qadınlar Assisosiyası” İctimai Birliyinin rəhbəri Xanım Əhmədzadəyə verildi. Hüquqşünas məcburi nikaha cəlb edilmə ilə bağlı qanunda nəzərdə tutulan Cinayət Məcəlləsinin (CM) 176-1.1-ci maddəsində qadını nikaha daxil olmağa məcbur etməni, 176-1.2-ci hissəsi isə nikah yaşına çatmayan qadını nikaha daxil olmağa məcbur etməni ehtiva edən sanksiyalaşma haqqında məlumat verdi. Eləcə də qeyd etdi ki, valideyinlər qız övladlarının erkən yaşda ailə qurmasına yox, peşə sahibi olmasına çalışmalıdırlar. Daha sonra Masallı rayon Polis Şöbəsinin Yeniyetmələrlə iş şöbəsinin baş inspektoru Samid Əliyev təlim iştirakçılarını Masallı rayonunda erkən nikahlara qarşı keçirilən əməliyyatlar, görülən işlər və son statistik məlumatlar barəsində məlumatlandırdı.

Sonda iştirakçıları maraqlandıran suallar cavablandırıldı.