“WhatsApp”dan istifadəçilərini sevindirəcək yeni funksiya

“WhatsApp” messenceri stikerlər siyahısını genişləndirəcək və süni intellektdən istifadə edərək stikerlər yaratmaq mümkün olacaq.

Proses.az baku.ws-ə istinadən bildirir ki, bu barədə xidmətin nümayəndələri rəsmi bloqda yeni funksiyanın işə salındığını elan ediblər.

“İnsanlar özlərini ifadə etmək və söhbətlərinə əyləncə əlavə etmək üçün stikerlərdən istifadə etməyi sevirlər. Bəzən stikerlər emosiya və əhval-ruhiyyəni sözlərdən daha yaxşı çatdıra bilir və bu gün biz stikerləri fərdiləşdirmək üçün yeni üsullar əlavə edirik”,-deyə məlumatda qeyd olunur.

Qeyd olunur ki, “WhatsApp” onlayn animasiyalı GIF bazası Giphy ilə əməkdaşlığa başlayıb ki, bu da proqramda stiker kolleksiyasını genişləndirməyə kömək edəcək. Bu stikerlərə daxil olmaq üçün söhbətdə stiker işarəsinə toxunmaq və axtarış qutusuna mətn sorğusu və ya emoji daxil etmək lazım olacaq.

Xidmətin nümayəndələri onu da bildiriblər ki, stikerlər yaradaraq messencerdə paylaşmağa imkan verən Custom Sticker Maker tətbiqi bundan sonra təkcə iOS deyil, həm də Android-də işləyən qurğu sahibləri üçün əlçatan olacaq. Bundan əlavə, istifadəçilər lazımsız stikerləri silə və tez-tez istifadə etdiklərini siyahının yuxarısına daşıya biləcəklər.