“TRT Belgeseldən “Qol atan cəbhəyə: “Qarabağ” adlı film – Video

Türkiyənin “TRT Belgesel” kanalı “Qarabağ” haqqında sənədli film hazırlayıb.

“Qafqazinfo” xəbər verir ki bu barədə kanalın feysbuk hesabında paylaşım olunub.

Üç seriyadan ibarət olan “Qol atan cəbhəyə: “Qarabağ” adlı film komandanın tarixindən bəhs edir.

Filmdə Ağdam təmsilçisinin torpaqlarımızın işğal altında olduğu vaxtlardan bu günə qədər gələn yolu təsvir olunub.

Burada komandanın üzləşdiyi çətinliklər, futbolçuların həm cəbhədə, həm də meydanda fədakarlıqla mübarizə aparması, son 11 ildəki yüksəlişi ilə əldə etdiyi uğurlar da əksini tapıb.

Qeyd edək ki, sənədli filmin ilk seriyası bu gün – Zəfər Gününün ildönümündə “TRT Belgesel”də Bakı vaxtı ilə saat 21:00-da nümayiş olunacaq.