Bakıdan göndərilən yük Ermənistana çatdı

Azərbaycandan yola salınan neft məhsullarının ilk partiyası Ermənistana çatıb.

Bu barədə məlumatı Ermənistanın iqtisadiyyat naziri Gevork Papoyan sosial şəbəkə hesablarında açıqlayıb.

Onun sözlərinə görə, benzin yüklü 22 vaqon Gürcüstan-Ermənistan sərhədini keçib.

Xatırladaq ki, dekabrın 18-də 22 vaqona yüklənmiş 1220 ton Aİ-95 markalı avtomobil yanacağı Ağstafadan Gürcüstana yola salınmışdı.