SON DƏQİQƏ! Ermənilər bu ölkədə HƏRƏKƏTƏ KEÇDİ – SENSASİON DETALLAR

Qarabağı 30 ildir qan gölünə döndərmiş ermənilər indi də İraqda hərəkətə keçiblər.

Musavat.com xəbər verir ki, ermənilər “özlərini hüquqlarını həyata keçirmək imkanından məhrum hesab edir və İraqın hakimiyyət orqanlarını digər azlıq qrupları kimi onlara da parlamentdə yer verməyə çağırırlar”.

“Ermənilərin (İraqda) uzun və tarixi mövcudluğu var. Nə qədər ki, biz bu ölkədə varıq, İraqı vətənimiz hesab etmişik. Parlamentin kvota sistemində ermənilərin xristianların bir hissəsinə çevrilməsini təmin etmək üçün danışıqlar aparılır”, – deyə Bağdaddakı Erməni Pravoslav Kilsəsinin nümayəndəsi Hakob Sugahakayan “Rudaw”a bildirib.

Bildirilib ki, 2004-cü ilə qədər Bəsrədə 350-yə yaxın erməni ailəsi yaşayırdı. Onların sayı indi 150-dən azdır. Keçmişdə Mosulda yaşamış 120 ailədən indi cəmi 3 ailə qalıb və Bağdaddakı ermənilərin sayı 6000-dən 500-ə düşüb. Bu, ardıcıl müharibələr, qeyri-sabitlik və etnik azlıqlara qarşı zorakılıqlarla bağlıdır, ermənilər iddia ediblər.

“Biz hər zaman sabitlik, sülh və təhlükəsizlik, ilk növbədə iraqlılar və bütün dünya üçün dua edirik. Biz müharibələrin baş verməsini istəmirik, çünki hər hansı bir ölkə üçün nəticələr məhv olmaqdan başqa bir şey deyil”, – Bağdaddakı erməni keşiş Gevorq Kaşakyan bildirib.

İraqın digər bölgələrindən fərqli olaraq, Kürdüstan ölkənin digər bölgələrində məcburi köçkünlük və zorakılıqdan qaçan ermənilər və digər azlıq qrupları üçün təhlükəsiz sığınacaq olub. İslam Dövlətinin (İŞİD) İraqda baş qaldırdığı 2014-cü ildən bəri Kürdüstana sığınan ermənilərin sayı 1500-dən 3000-ə yüksəlib.

Kürdüstan Bölgəsinin konstitusiyası erməniləri etnik qrup kimi tanıyır, onlara doğma erməni dilində təhsil hüququ verir və parlamentdə bir yer ayırır. Qeyd olunub ki, Kürdüstanda 6 erməni kilsəsi var – Duhok əyalətində dörd, Ərbil və Kərkükdə isə bir. Bildirilib ki, bölgədəki erməni kilsələrində təxminən “1,5 milyon erməninin öldürüldüyü” (?!-M.) qondarma soyqırımla bağlı ucaldılmış abidələr var.