• 18.11.2023 09:17

14 yaşında evləndiyi arvadını qanına QƏLTAN ETDİ – Maştağadakı cinayətin TƏFƏRRÜATI

14 yaşında evləndiyi arvadını qanına QƏLTAN ETDİ – Maştağadakı cinayətin TƏFƏRRÜATI

2022-ci il iyunun 29-da Bakının Sabunçu rayonu, Maştağa qəsəbəsi, Axund.M.Əbdülkərim küçəsində qadın və atası bıçaqlanır. Daxil olan məlumatla əlaqədar polis və prokurorluq əməkdaşları hadisə yerinə baxış keçirir və cinayəti törədən şəxsin axtarışlarına başlanılır.

Arvadını və qayınatasını bıçaqlayan Abbas Mirzəyev Yasamal rayon Polis İdarəsinin 26-cı Polis Bölməsinə könüllü gələrək təslim olub.

Bu barədə həmin bölmədən Sabunçu RPİ-yə məlumat verilib.

Sabunçu RPİ İstintaq şöbəsində toplanan ilkin materiallar rayon prokurorluğuna göndərilib. Faktla əlaqədar Cinayət Məcəlləsinin 29,120.2.4-cü (xüsusi amansızlıqla qəsdən adam öldürməyə cəhd) maddəsi ilə cinayət işi başlanılıb.

Abbas Mirzəyev 1976-cı ildə Bakı şəhərində anadan olub, Səbail Rayon Məhkəməsinin 2004-cü il tarixli hökmü ilə Cinayət Məcəlləsinin 263.1 və 264-cü maddələri ilə iki il altı ay müdətinə azadlıqdan məhrum olunub.

Lent.az bıçaqlanma hadisəsinin istintaq materiallarını əldə edib.

İstintaqla müəyyən edilib ki, Abbas Mirzəyev iyunun 29-u saat 15 radələrində yaşadığı Yasamal rayonu, Nərimanov küçəsi, ev 13-dən bıçaq götürüb qayınatasının yaşadığı evə yollanıb. Cinayətkar niyyətini gizlədib həyat yoldaşı ilə təklikdə danışmaq, guya sonuncu ilə barışmaq və onu öz evinə aparmaq istədiyini söyləyərək, yataq otağına daxil olub.

Şalvarının belindən çıxardığı bıçaqla arvadı Nigar Mirzəyevaya səkkiz dəfə zərbə endirib. Qadının qışqırıq səsinə gələn anası Sevda Seyidova, atalığı Vaqif Seyidov və qardaşı Orxan Məmmədov onun qarşısını almağa çalışıblar. Qarşıdurma zamanı Vaqif Seyidov boyun, sol və sağ əllərindən bıçaq xəsarətləri alıb. Müdaxilə nəticəsində Orxan Məmmədov Abbas Mirzəyevin əlindən bıçağı alıb. Yaranmış səs-küydən və polis əməkdaşlarının gəlməsindən qorxaraq o, hadisə yerindən qaçıb. Zərərçəkmişlərə ixtisaslı tibbi yardım göstərilərək həyatları xilas olduğundan ölən olmayıb.

İş üzrə dindirilmiş Abbas Mirzəyev bildirib ki, 2003-cü ilin fevral ayında bibisi Sevda Seyidovanın qızı Nigar Mirzəyeva ilə evlənib. Yasamal rayonunda yaşayıblar, nikahdan üç övladları dünyaya gəlib:

Abbas Mirzəyev

“2010-cu ildə qız övladlarımdan biri iflicdən öldü. Aramızda baş verən mübahisələrə arvadımın daha yaxşı bəzənmək və geyinmək istəməsi, mənim isə bütün bunlara imkan edə bilməməyim səbəb olub. Arvadım tez-tez valideynlərinin evinə gedərək aylarla orada qalırdı. Mən də hər dəfə gedib hər şeyin qaydasına düşəcəyini söz verərək ondan evə qayıtmasını xahiş edirdim. 2020-ci il fevralın 26-da evimizdə olanda mübahisə zamanı Nigar aramızdakı yaş fərqini dilə gətirərək məni qıcıqlandırdı. Uşaqları sahibsiz qoyub anasının yanına gedəcəyini söyləyəndə özümü saxlaya bilməyib yoldaşımın üzünə zərbələr vurdum. Zərbələrdən Nigarın dodağı qanadı. Buna görə, arvadım anası ilə Yasamal RPİ 26-cı PB-nə gedərək ərizə yazdı. Araşdırma aparılarkən hərəkətimə görə Nigardan üzr istədim, bir daha ona qarşı kobudluq etməyəcəyimə söz verdim. Nəticədə arvadım şikayət ərizəsini geri götürüb mənimlə barışdı.

2022-ci il iyunun 23-də növbəti mübahisə zamanı Nigar boşanmaq və valideynlərinin evinə getmək istədiyini bildirdi. Aramızda münaqişə yaranmağından çəkindiyim üçün bir müddətlik anasıgilə getməsinə razılıq verdim. Ayın 29-u saat 15 radələrində Maştağa qəsəbəsinə yollandım. Həyətdə qayınanam Sevda Seyidova və qayınatam Vaqif Seyidovla danışdım. Sonra yataq otağına daxil olaraq Nigarla danışıb ondan evə qayıtmasını xahiş etdim. Amma arvadım artıq mənimlə yaşamaq istəmədiyini, boşanmaq və öz həyatını yaşamaq istədiyini dedi. Bu sözlərdən qəzəblənərək üzərimdə olan bıçaqla ilk zərbəni arvadımın boğazına vurdum. Nigarın qışqırıq səsinə otağa girən ata-anası və qardaşı əlimdəki bıçağı almağa çalışdılar. Qarşı-qarşıya olan zaman yoldaşımın bədəninin müxtəlif nahiyələrinə zərbələr endirməkdə davam edirdim. Vaqif Seyidov da bıçaq xəsarətləri aldı. Sonra kəsici aləti əlimdən döşəməyə tullayaraq tələsik evdən uzaqlaşdım.
Avtobusdan Zabrat dairəvi yolunda düşərək, taksiyə mindim və 26-cı bölməyə getdim. Növbətçiyə hadisə barədə məlumat verdim. Məni oradan Sabunçu Rayon Polis İdarəsinə gətirdilər”.

Abbas Mirzəyev əlavə edib ki, hadisə zamanı qarışıqlıq yarandığı və özünü itirdiyi üçün nə etdiyini dərk etməyib. Vaqif Seyidova ümumiyyətlə xəsarət yetirmək niyyəti olmayıb. Saat 15 radələrində Maştağaya gedərkən yolda qızı Fidana “WhatsApp” tətbiqində “ananızı pis əmələ görə yox, belə yaşaya bilmirəm deyə öldürəcəyəm” məzmunlu mesaj göndərib. Sadəcə internetdə nasazlıq olduğuna görə ismarıc qızının telefonuna gec yəni saat 18 radələrində çatıb.

Nigar Mirzəyev

Zərərçəkmiş Nigar Mirzəyeva ifadəsində göstərib ki, ailələrinin razılığı ilə ailə həyatı quranda 14 yaşı tamam olmayıb:

“Abbas Mirzəyev məndən əvvəl evli olub. Yoldaşımla münasibətim həmişə pis olub. Abbas çox qısqanc idi, narkotik vasitə olan marixuana çəkirdi. Boş şeylərə görə evdə mübahisə yaradırdı. Dəfələrlə məni döyürdü. Abbasdan boşanmaq istəsəm də, heç vaxt bu istiqamətdə hər hansı addım atmadım. İyunun 23-də növbəti söz-söhbətdən sonra anamgilin evinə getdim. Ayın 29-da günorta Abbas evimizə gəlib mənimlə barışmaq istədiyini dedi. Nə qədər yalvarsa da, onunla barışmayacağımı bildirdim.

Həyətə çıxıb, anamla danışandan sonra yenə yataq otağına qayıtdım. Kresloda əyləşərək mənimlə barışmaq istədəyini və bir daha məni incitməyəcəyini söylədi. Artıq bu sözlərin mənasız olduğunu vurğulayaraq onunla heç yerə getməyəcəyimi bildirdim və otaqdan çıxmaq istədim. Ayağa qalxıb mənə yaxınlaşan Abbas sol əli ilə arxadan sinəmdən tutdu və sağ əlindəki bıçaqla boğazıma zərbə vurdu. 2-ci zərbə çənəmə dəydi. Saçlarımı əlinə dolayıb məni divara sıxdı. Həmin an çiynimdən və əllərimdən müxtəlif xəsarətlər aldım. Qarışıqlıqda ögey atama xəsarətlər yetirildiyini görmədim”.

Nigar Mirzəyeva hesab edib ki, ərinin məqsədi onu öldürmək olub. Əgər niyyəti qorxutmaq olsaydı, ilk zərbədən sonra hadisə yerindən uzaqlaşardı.

Şahid Vaqif Seyidov bildirib ki, 2020-ci ildən etibarən Nigarla Abbasın arasında əsassız qısqanclıq zəminində yaranmış mübahisələr daha da şiddətlənməyə başlayıb:

“2022-ci il iyunun 23-də evə qayıdan Nigardan nə baş verdiyini soruşanda o, ərinin ona işgəncələr verdiyini dedi. Hadisə günü, qışqırıq səsinə otağa daxil olanda Abbasın Nigarı arxadan tutub, ayaqlarını çarpaz şəkildə belinə doladığını, sol əli ilə saçını dolayıb, sağ əlindəki bıçaqla arvadının boğazını kəsdiyini və qan axdığını gördüm. Yoldaşım Sevda qışqırıb Abbasdan qızı buraxmağını tələb etdi. Lakin o, Nigarı buraxmadı. Qızımı kürəyi üstə yerə yıxıb dizini sinəsinə qoydu. Stulu götürüb ardıcıl üç dəfə Abbasın kürəyindən vurdum. Axırıncı zərbədən sonra o, Nigarın saçını buraxdı. Qız əlindən çıxıb digər otağa girərək qapını arxadan kilidlədi. Abbasın əlindən bıçağı almağa cəhd edərkən hər iki əlim kəsildi. Sonra Abbas kəsici aləti ataraq evdən qaçdı.

Bundan sonra Sevda Seyidova ev telefonundan Təcili Tibbi Yardıma və 102 xidmətinə zəng edib məlumat verdi. Təcili yardım avtomobili məni və Nigarı Sabunçu Tibb Mərkəzinə apardı. Səhəri gün 14-cü PB-yə polis bölməsinin əməkdaşına hadisə barədə ətraflı məlumat verdim. Orxan Məmmədov evə gələndə Abbas Mirzəyev artıq yox idi. Abbasın Nigarı öldürmək istəməsinə səbəb – qızımın boşanmaq istəməsi, birlikdə yaşamaq istəmədiyini deməsi olub. Abbas çox qısqanc idi, səbəbsiz yerə özündən fərziyyələr uydurub yoldaşını xəyanət etməkdə günahlandırırdı. Ona görə də evlərində tez-tez mübahisələr baş verirdi. 2020-ci ilin fevral ayında o, döyüb, ölümcül hala saldığı üçün Nigar bu barədə bölməyə məlumat verib, lakin sonra ailənin dağılmamasından ötrü ərizəsini geri götürüb”.

Məhkəmə iclasında Abbas Mirzəyev ittiham üzrə özünü qismən təqsirli bilib. Zərərçəkmişlər təqsirləndirilən şəxsə qanuna müvafiq cəza verilməsini xahiş ediblər.


Məhkəmə qənaətə gəlib ki, Abbas Mirzəyevə qanunla müəyyən edilmiş qaydada CM-nin 29,120.2.3-cü, 29,120.2.4-cü və 29,120.2.7-ci maddələrinin sanksiyası həddində azadlıqdan məhrum etmə növündə cəza təyin edilməlidir.

Bakı Ağır Cinayətlər Məhkəməsinin hökmü ilə cəzasını ciddi rejimli cəzaçəkmə müəssisəsində çəkməklə Abbas Mirzəyev 14 il müddətinə azadlıqdan məhrum olunub.

DİGƏR XƏBƏRLƏR

Ramin Əliyev saxlanıldı

Ramin Əliyev saxlanıldı

Qohumuna qarşı dələduzluq edən Son Ümid Xalq Hərəkatının sədri Əliyev Ramin Eldar oğlu polis əməkdaşları tərəfindən saxlanılıb. Proses.az xəbər verir ki,…
Sosial şəbəkələrdə çılpaq videosunu yayan müəssisə direktoru saxlanıldı

Sosial şəbəkələrdə çılpaq videosunu yayan müəssisə direktoru saxlanıldı

Nərimanov Rayon Mənzil-Kommunal Təsərrüfatı Birliyinin əməkdaşlarının rayon polis idarəsinə müraciəti əsasında sosial şəbəkələrdə onları təhqir edən şəxs saxlanılıb. DİN-in Mətbuat…
Nazir idarə rəisini işdən çıxarıb yüksək vəzifə verdi – FOTO

Nazir idarə rəisini işdən çıxarıb yüksək vəzifə verdi –…

Mədəniyyət Nazirliyində kadr dəyişikliyi olub. Proses.az bildirir ki, İqtisadiyyat.az-ın əldə etdiyi məlumata görə, bununla bağlı mədəniyyət naziri Adil Kərimli müvafiq…
Azərbaycanlı aparıcı vəfat edən övladından yazdı – FOTOlar

Azərbaycanlı aparıcı vəfat edən övladından yazdı – FOTOlar

Xəbər verdiyimiz kimi, ARB telekanalında çalışan aparıcı Aynur Bağırova bir neçə gün əvvəl övladını itirib. Proses.az bildirir ki, axşam.az-ın məlumatına…
Tanınmış bloger sosial şəbəkədəki videolarına görə belə cəzalandırıldı

Tanınmış bloger sosial şəbəkədəki videolarına görə belə cəzalandırıldı

İntim mövzularla bağlı açıqlamaları ilə sosial şəbəkədə məşhurlaşan bloqer Buse Aydın cəzalandırılıb. Milli.Az sputnik-ə istinadla bildirir ki, özünü cinsi terapevt…
Avropada mühacirətdə olan Mehdi Xəlilbəyli Bakıda HƏBS OLUNDU

Avropada mühacirətdə olan Mehdi Xəlilbəyli Bakıda HƏBS OLUNDU

Almaniyada mühacirətdə olan, Azərbaycan tərəfindən axtarışa verilmiş Müsavat fəalı Mehdi Xəlilbəyli Bakıda həbs olunub. Proses.az xəbər verir ki, APA-nın əldə etdiyi məlumata…
İlham Əliyev və Aleksandr Lukaşenko Cıdır düzündə olublar

İlham Əliyev və Aleksandr Lukaşenko Cıdır düzündə olublar

Mayın 17-də Azərbaycan Respublikasının Prezidenti İlham Əliyev və Belarus Respublikasının Prezidenti Aleksandr Lukaşenko Cıdır düzündə olublar. Bununla bağlı President.az məlumat…
Bu məcburi köçkünlərə verilən aylıq müavinət dayandırılıb – Rəsmi

Bu məcburi köçkünlərə verilən aylıq müavinət dayandırılıb – Rəsmi

Azərbaycan Prezidentinin Fərmanına, Nazirlər Kabinetinin onun icrası ilə bağlı müvafiq qərarına əsasən, yemək xərci, kommunal və digər xidmətlər üzrə məcburi…
İntim videolar çəkən polkovniklə bağlı ŞOK AÇIQLAMA

İntim videolar çəkən polkovniklə bağlı ŞOK AÇIQLAMA

Fövqəladə Hallar Nazirliyindəki (FHN) xidməti otağında intim videolar çəkib yaymaqda təqsirləndirilən polkovnik Zaur Mirzəyevin barəsindəki hökmdən verilən kassasiya şikayəti üzrə…
Bakıda tıxacda qalan sürücüdən qəribə addım – VİDEO

Bakıda tıxacda qalan sürücüdən qəribə addım – VİDEO

Bakıda sürücünün verdiyi qərar təəccüb yaradıb. Belə ki, tıxacdan çıxmağa çalışan sürücü avtomobili arakəsmə bordürün üstünə qaldıraraq yolun əks istiqamətinə…
Marketlərdəki bu yağlarla bağlı əhaliyə XƏBƏRDARLIQ

Marketlərdəki bu yağlarla bağlı əhaliyə XƏBƏRDARLIQ

Azərbaycan Respublikasının Qida Təhlükəsizliyi Agentliyi (AQTA) kərə və bitki yağlarının satışını həyata keçirən ticarət obyektlərinin sahiblərinə və istehlakçılara müraciət edib.…
Faciəvi şəkildə ölən Tofiq tələbə imiş

Faciəvi şəkildə ölən Tofiq tələbə imiş

Xəbər verdiyimiz kimi, mayın 15-dən 16-na keçən gecə Goradil qəsəbəsində ağır yol qəzası baş verib. 1999-cu il təvəllüdlü Piruz İsa…
Şəbnəm Tovuzlunun səhnə geyimi gündəm oldu – VİDEO

Şəbnəm Tovuzlunun səhnə geyimi gündəm oldu – VİDEO

Şəbnəm Tovuzlunun səhnə geyimi gündəm olub. Milli.Az xəbər verir ki, müğənninin konsert zamanı geyindiyi geyim izləyicilər tərəfindən birmənalı qarşılanmayıb. Sosial…
Nazir Abid Şərifovun kürəkənini təqaüdə göndərdi

Nazir Abid Şərifovun kürəkənini təqaüdə göndərdi

Ədliyyə Nazirliyi Penitensiar xidmətində növbəti kadr dəyişikliyi olub. Proses.az Unikal-a istinadən xəbər verir ki, Penitensiar xidmətin rəisi, ədliyyə general-mayoru Mirsaleh…
Mətanət İsgəndərli qardaşının ölümündən danışdı: “Övlad toyu görmədi…”

Mətanət İsgəndərli qardaşının ölümündən danışdı: “Övlad toyu görmədi…”

Əməkdar artist Mətanət İsgəndərliyə ağır itki üz verib. Proses.az bildirir ki, moderator.az-a açıqlama verən sənətçi qardaş itkisinin onun üçün çox…