Azərbaycanda məktəbliqızılcadan öldü

Azərbaycanda məktəbli qızılcadan ölüb.

Ölkə.Az-ın əldə etdiyi məlumata görə, hadisə Yusif Əliyev adına 195 saylı orta məktəbdə baş verib.

Belə ki, məktəbin 4-cü sinif şagirdi olan oğlanın (adı açıqlanmır) qızılcadan dünyasını dəyişdiyi bildirilir.

Məktəbdən o da bildirilib ki, son 5 gündə 200-dən çox yoluxma olsa da, 3 növbəli məktəbdə bir nəfər də olsa, həkim yoxdur.

Məktəbin laborantı Ölkə.Az-a açıqlamasında yoluxma halları ilə bağlı müvafiq qurumlara məlumat verildiyini söyləyib.

Qeyd edək ki, təhsil müəssisəsinin iki ildir məktəb üçün tibb bacısı tələb etmələrinə baxmayaraq müvafiq addım atılmadığı bildirilir.

Xatırladaq ki, ötən həftə Kürdəmir Rayonu Qağacılı kənd sakini 14.10.2019-cu il təvəllüdlü Qəribli Rüfət Roman oğlu qızılcadan dünyasını dəyişmişdi. Onun qızılcaya qarşı peyvənd olunmadığı bildirilirdi.