Yataqxanalarda yaşayan məcburi köçkünlərlə bağlı TƏKLİF

Yataqxana və qəzalı binalarda yaşayan məcburi köçkünlərin müvəqqəti olaraq köç edənlərin mənzillərində yaşamaqları təklif edilir.

Oxu.Az xəbər verir ki, bu barədə Azərbaycanın İnsan hüquqları üzrə müvəkkilinin (ombudsmanın) 2023-cü il üzrə məruzəsində qeyd olunub.

Ombudsman hazırda yataqxana və qəzalı binalarda yaşayan məcburi köçkünlərin mənzil-məişət şəraitinin yaxşılaşdırılması məqsədilə onların işğaldan azad edilmiş ərazilərə köçürülən keçmiş məcburi köçkünlər tərəfindən təhvil verilmiş xidməti mənzillərə müvəqqəti olaraq köçürülməsini məqsədəmüvafiq hesab edir.