“Vəzifə versələr, heç vaxt getmərəm” – Bəhram Bağırzadə

Tanınmış aktyor, rejissor, naşir, Əməkdar artist Bəhram Bağırzadə “Report”a verdiyi müsahibəsində “İşdən çox iş var, gərək, lömbələrini qaldırıb, işləsinlər” deməsinə görə sosial şəbəkələrdə tənqid olunmasına münasibət bildirib.

B.Bağırzadə Pravda.az-a açıqlamasında deyib ki, iş var və olacaq: “O işi insan özü fikirləşməlidir, tapmalıdır və işləməlidir. İndi üç işdə çalışıram, vaxtım yoxdur, məni üzrlü sayın…”

Əməkdar artist vəzifə xatirinə belə açıqlamalar verdiyini deyənlərə isə belə cavab verib: “20-30 il bundan qabaq da, 10 il qabaq da vəzifədə işləyə bilərdim, amma həmişə imtina etmişəm. Çünki özümü azad insan hiss etmək istəyirəm. Bundan sonra da vəzifə versələr, heç vaxt getməyəcəyəm. Bunu sizə 100% deyə bilərəm. Allah mənə böyük vəzifə verib. Uşaqları, balaca oxucularımı maarifləndirirəm. Fəxr edirəm ki, bu işlə məşğul oluram. Və işimi sevirəm. Bu dünyada mənim üçün bundan böyük vəzifə ola bilməz!”