Bələdiyyə seçkisinə 1 gün qalıb, Türkanda qələbəni qeyd edən namizəd var

Yanvarın 29-da Azərbaycanda bələdiyyə seçkiləri keçiriləcək. Maraqlıdır ki, seçki keçirilməmiş qələbəsini qeyd edən namizədlər də var.

Redaksiyamıza daxil olan məlumatda Xəzər rayonu, Türkan qəsəbəsində bələdiyyəyə namizəd Tehran İsmiran oğlu Rəhmanov dost-tanışını qəsəbə ərazisindəki “Eldar” İstirahət Mərkəzinə toplayaraq qələbəsini qeyd edib. Məclisdə Tehran Rəhmanovun dostlarında olan iş adamı Yaqub Cəfərov iştirak edib. Belə məlum olub ki, iş adamı dostunun bələdiyyə üzvü, ardından sədri seçilmək üçün 100 min manata yaxın vəsait xərcləyib. Məclisdə icra başçısı Elşən Salahovun şəninə xoş sözlər işlədilib.

Redaksiyamıza daxil olan digər bir məlumatda iddia olunur ki, iş adamı Yaqub Cəfərov digər dostu, 262 sayli məktəbin idman müəllimi Əli Məmmədovu Xəzər İcra Hakimiyyəti başçısının Türkan qəsəbəsi üzrə nümayəndəliyinə sədr təyin etdirəcəyi də gələn məlumatlar sırasındadır.