“Diz çöküb yalvardım, yenə də buraxmadılar”

“Sürücülük vəsiqəsi alanda məşhur jurnalist idim, diz çöküb yalvardım, imtahana qoymadılar”.

Bunu Ermənistanın baş naziri Nikol Paşinyan hökumətin iclasında deyib.

O, Ermənistanda bütün sektorları əhatə edən kadr böhranından danışarkən bldirib ki, dünən “Real Ermənistan” proqramı çərçivəsində vətəndaşlarla görüşüb: “Vətəndaşlardan soruşdum ki, Ermənistanda avtomobil idarə edənlərin 70 faizinin bizim standartlara cavab verən avtomobili idarə etmək üçün lazımi bacarıqları var? Hamı dərhal reaksiya verdi ki, “95 faiz. Dedim ki, zalda əziyyət çəkib imtahan verib sürücülük vəsiqəsi alan varmı? Heç kimdən səs çıxmadı.

Mən sürücülük vəsiqəsi alanda məşhur jurnalist idim, diz çöküb yalvardım, yenə də imtahana buraxmadılar. Dedilər ki, tez çıx get buradan, bizim səninlə işimiz yoxdur”. /”Unikal”