Bakıda sürət qatarının vurub öldürdüyü oğlanın FOTOSU

Bakıda sürət qatarının vurub öldürdüyü 19 yaşlı oğlanın fotosu yayılıb.

Onun Ucar rayonundan olduğu bildirilir.

Musavat.com Lent.az-a istinadla Nemət Hacıyevin fotosunu təqdim edir:

***

Bakıda sürət qatarı piyadanı vurub.

Hadisə Sabunçu rayonu Zabrat qəsəbəsi ərazisində baş verib.

Sürət qatarı 19 yaşlı Hacıyev Nemət Allahverdi oğlunu vuraraq onu yaralayıb. Hadisə yerinə gələn həkimlər yaralını xəstəxanaya aparıblar.

Lakin yaralı Sabunçu Tibb Mərkəzinə aparılarkən yolda keçinib.

Azərbaycan Dəmir Yolları Qapalı Səhmdar Cəmiyyətindən Lent.az-a bildirilib ki, bu gün axşam saatlarında Zabrat 2 – Sabunçu sahəsində hərəkətdə olan qatarın qarşısına qəflətən bir nəfər çıxıb:

“Maşinist tərəfindən təcili tormozlama aparılsa da, məsafə az olduğundan hadisə qaçılmaz olub. Ərazidəki əməkdaşlar tərəfindən hadisə yerinə dərhal təcili tibbi yardım briqadası çağırılıb və həmin şəxs xəstəxanaya aparılıb.

ADY bir daha insanları dəmiryol xətlərini yalnız müəyyən edilmiş yer və piyada keçidlərindən keçməyə, həyatlarını riskə atacaq hərəkətlərdən çəkinməyə çağırır. Qaydalara riayət etmək hər bir vətəndaşın borcudur və onları pozmaq inzibati məsuliyyət yaradır”.