İsrail qırıcıları Türkiyə sərhədini pozdu: Təl-Əviv Ankaranın cavabından narahatdır – Təyyarələr vurulacaq, yoxsa…?

İsrailə məxsus hərbi qırıcıların Türkiyə hava məkanına daxil olması və rəsmi Ankaranın xəbərdarlığından sonra dərhal həmin ərazini tərk etməsi iki ölkə arasında diplomatik gərginliyi daha da artırıb. Bəs görəsən, İsrailin bu addımına Türkiyənin cavabı necə olacaq?

Mövzu ilə bağlı KONKRET.az-a açıqlama verən politoloq Taleh Əliyev bildirib ki, bu kimi hallar beynəlxalq münasibətlərdə bəzən yaşanır və hadisələrin dövlətlərarası ciddi münaqişəyə səbəb olacağı ehtimalı azdır.

“Hadisənin dərhal Türkiyə tərəfindən nəzarətə götürülməsi və qırıcıların ərazini tərk etməsi onu deməyə əsas verir ki, məsələ təsadüf xarakteri daşıyır. Bu, dövlətlərarası münasibətlərdə ciddi çatlara səbəb olacaq səviyyədə bir hadisə deyil. Belə hallar zaman-zaman müxtəlif ölkələr arasında da baş verə bilər. Əsas məsələ həmin an adekvat addımların atılmasıdır ki, Türkiyə də bu baxımdan üzərinə düşəni edib.

Ekspertin sözlərinə görə, baş verənlərə baxmayaraq, Türkiyə-İsrail münasibətlərində yeni bir qarşıdurma mərhələsinə keçid gözlənilmir.