Məsciddə törədilən dəhşətli qətlin görüntüləri yayıldı – VİDEO

Kayserinin Melikqazi rayonunda yerləşən məsciddə ürəkağrıdan qətl hadisəsi baş verib.

Milli.Az yerli mətbuata istinadən xəbər verir ki, hadisə zamanı bir şəxs namaz qılan tanışını boğazını kəsərək qətlə yetirib.

Hadisənin təhlükəsizlik kamerasına düşən görüntüləri isə ictimaiyyətə təqdim olunub.

Hadisə dünən günorta saatlarında Səlcuqlu məhəlləsində, Kocaali küçəsində yerləşən məsciddə baş verib. İddiaya görə, 32 yaşlı Y.Ş. daha öncə avtomobilin park edilməsi üstündə mübahisə yaşadığı 63 yaşlı Ş.T.-yə məsciddə namaz qılarkən hücum edib. O, Ş.T.-nin səcdədən qalxdığı anda arxadan yaxınlaşaraq boğazını bıçaqla kəsib.

Y.Ş., Ş.T.-ni bıçaqlamağa davam edərkən məsciddəki digər şəxslər müdaxilə edərək hadisə barədə dərhal hüquq-mühafizə orqanlarına məlumat veriblər. Hadisə yerinə polis və təcili tibbi yardım briqadaları cəlb olunub. Təcili tibbi yardım əməkdaşlarının apardığı ilkin müayinədə Ş.T.-nin həyatını itirdiyi müəyyən olunub. Onun cəsədi müayinə üçün xəstəxana morquna aparılıb.

Hadisəni törədən Y.Ş. polis tərəfindən saxlanılaraq bölməyə aparılıb. Orada aparılan ilkin istintaqdan və tibbi müayinədən sonra məhkəməyə göndərilib. Ş.T.-nin cəsədi isə məhkəmə-tibbi ekspertizasından sonra ailəsinə təhvil verilib.