Odlar Yurdu qalası: 18 şəhid övladı tələbə oldu

Yeni dərs ili şəhid ailələri üçün xoş xəbərlərlə başlayır. Vətən müharibəsi qəhrəmanlarının 18 övladı tələbə adına layiq görülüb.

PROSES.AZ xəbər verir ki, hər zaman şəhid ailələrinin yanında olan “Odlar yurdu” qrupu “Balıqçı” restoranı ilə birlikdə tələbə adını qazanmış şəhid övladları üçün gecə təşkil edib. Tədbirin qonaqları Mədəniyyət Nazirliyinin kitab sənayesi şöbəsinin müdiri Akif Maarifli, xalq artisti Əlixan Səmədov, müğənnilər Gülzar Fərəcova, Nihad Orucov, Murad Azərli olub. Gecəni tanınmış aparıcı Kamilya Babayeva aparıb.

Tələbə adını alanlar arasında şəhid həyat yoldaşları da var. “Mənim Atam Qəhrəmandır” və “Oğlum Qəhrəmandır” layihələrinin koordinatorları: şəhid Nail Orucovun həyat yoldaşı Nigar Ağamalıyeva Bakı Dövlət Universitetinin filologiya fakültəsinə daxil olub; şəhid Elçin Əzizovun həyat yoldaşı Sevda Əzizova Bakı Biznes və Kooperasiya Kollecinə daxil olub; və şəhid Sədi Musayevin həyat yoldaşı Gülşad Ukraynada universitet tələbəsi olub.

Bakı Şəhər İqamətgahının rəhbəri Ramil Məhərrəmov tələbə adını qazanmış 18 şəhidə lövhə və güllər təqdim edib.

“Odlar yurdu” qrupunun rəhbəri Cəlal Qurbanov şəhid ailələri üçün əlamətdar gün münasibətilə deyib: “…Müharibə qəhrəmanlarının övladları, həyat yoldaşları öz vədlərini yerinə yetirmək, layiqli yollarla getmək üçün əllərindən gələni edirlər. Onlar özlərini tənha hiss etməmələri üçün bütün uğurları və yüksəlişləri onlarla birlikdə yaşamaq istəyirik. Aramızdakı qohumluq əbədidir. Şəhid övladları yeni həyata başlayacaq, ailələr yaradacaq, valideyn olacaqlar…. Əminəm ki, bura toplaşanlar onlar üçün vacib olan bütün günlərdə iştirak edəcəklər”.