PROSES.AZ

XƏBƏR SAYTI

Cenevrədə beynəlxalq toplantı: önəmli mesajlar verildi

Cenevrə şəhərində təşkil olunan Beynəlxalq Qızıl Xaç və Qızıl Aypara Cəmiyyətləri Federasiyasının XXIII Baş Assambleyası davam edir.

Proses.az xəbər verir ki, plenar iclaslar zamanı eyni zamanda Beynəlxalq Federasiyanın Gənclər Hesabatı təqdim olunub.
Azərbaycan QAC-nin gənc nümayəndəsi Nigar Rüstəmzadə çıxış edərək öncə Milli Cəmiyyətlərin gənclərinə belə böyük və əhəmiyyətli bir arenada çıxış etmək imkanı verdiklərinə görə Beynəlxalq Federasiyaya öz təşəkkürünü bildirib. O qeyd edib ki, Azərbaycan Milli Cəmiyyətində gənclər həmişə diqqət mərkəzində olub və rəhbərlik tərəfindən daim dəstək və inamla qarşılanıb. O həmçinin, Fövqəladə Mobil Könüllü Dəstələrin fəaliyyəti barədə məlumat verərək bu modelin uğurunu vurğulayıb.

Görüşlərin gedişatı zamanı Milli Cəmiyyətin Prezidenti Novruz Aslanov ikitərəfli görüşlərə davam edib. Görüşlər zamanı Milli Cəmiyyətlər arasında mövcud olan qarsılıqlı əməkdaşlıq və tərəfdaşlıq imkanlarının genişləndirilməsinin vacibliyi müzakirə edilib.

Qeyd edək ki, XXIII Baş Assembleya bugün yekunlaşacaq və Nümayəndələr Şurasının iclası sabahdan işə başlayacaq.

Proses.az

 288 baxış sayı

Paylaşın
XƏBƏR GÖNDƏR
Siz də, şahidi olduğunuz və ya əldə etdiyiniz xəbərləri bizə göndərə bilərsiniz.