- 23.10.2023 13:26
Fransa Ermənistanın başına torba tikir – Maşa dövləti təhlükədə
![Fransa Ermənistanın başına torba tikir – Maşa dövləti təhlükədə](https://proses.az/wp-content/uploads/2023/10/makron.jpg)
Fransa Ermənistan tərəfindən Azərbaycan torpaqlarının işğalda saxlanıldığı 30 illik dövrdə də, Azərbaycanın mütləq zəfəri, Ermənistanın isə biabırçı kapitulyasıyası ilə bitən 2-ci Qarabağ müharibəsində də öz kiçik bacısı Ermənistanın yanında idi. Bu kapitulyasiya təkcə Ermənistanın deyil, həm də onun müttəfiqlərinin biabırçı məğlubiyyətini rəsmiləşdirirdi. Kapitulyasiyadan keçən 3 illik dövrdə də Fransa öz ədalətsiz və məkrli oyunlarından əl çəkmədi. Hər vasitə ilə Azərbaycanın Müzəffər Ali Baş Komandanı İlham Əliyevin də dediyi kimi artıq gorbagor olmuş “status” məsələsini gündəmdə saxlamağa çalışdı. Müxtəlif üsullarla separatçılara dəstək olmağa çalışdı. Amma bu dəfə də Azərbaycanın mütləq iradəsi qarşısında məğlub duruma düşdü. Müzəffər Ali Baş Komandan İlham Əliyevin komandanlığı ilə ordumuzun həyata keçirdiyi 1 günlük antiterror tədbirləri nəticəsində Xankəndidə özlərini “dövlət” adlandıran qondarma qurunun qondarma “rəhbər”ləri ağ bayraq qaldırdılar.
Bütün planlarının baş tutmadığını görən Fransa bu dəfə daha böyük səhfə yol vermək astanasındadır.
Dünən Fransanın müdafiə naziri Sebastyan Lekornu bildirib ki, Fransa və Ermənistan İrəvan tərəfindən fransız silahlarının alınmasına dair razılaşma imzalayacaq.
“Biz Ermənistan Respublikasının fransız istehsalçılarından müəyyən miqdarda silah almasını rəsmiləşdirəcəyik”, – deyə o bildirib.
Yəqin ki Fransanı idarə edən şəxslər hələ də 21-ci əsr olduğunu dərk edə bilmir. Artıq müstəmləkəçiliyin başa çatdığını qəbul etmir. Afrikadakı müstəmləkələrini bir-bir itirən, azad yaşamaq istəyən Afrika xalqları tərəfindən rədd edilən, Afrikadan qovulan Fransa indi də neokolonizalizm yolu ilə və Ermənistanın vasitəçiliyi ilə Cənubi Qafqazda möhkəmlənməyə çalışır. Bütün bu cəhtlərə baxmayaraq Fransa Afrikadan qovulduğu kimi Cənubi Qafqazdan da qovulacaq.
Fransanın Ermənistanı silahlandırması regionda sülh üçün heç nə vəd etmir. Bu siyasət birbaşa Azərbaycan üçün təhdiddir. Fransanın belə siyasət yürürtməsinə cavab olaraq, demək olar ki Fransa-Azərbaycan əlaqələri dondurulub, bütün təmaslar dayandırılıb.
Afrikada mövqelərini itirən Fransa düşünür k, bu itirilmiş mövqeləri əvəz etməyin ən yaxşı yolu son illər Rusiya ilə münasibətləri heç də, yaxşı olmayan, Gürcüstan və Ermənistanda möhkəmlənməkdir. Bu iki ölkənin Aİ ilə yaxınlaşmaq istəməsi cəhtini fürsət bilən Fransa bölgədə öz nüfuzunu yaymağa çalışır. Lakin Fransa unutmamalıdır ki, onların nə Gürcüstanda, nə Ermənistanda güclənməsinə imkan verilməyəcək
Bir məsələni də Xüsusi vurğulayaq ki Qərbi və xüsusilə də Fransanı bölgəyə gətirmək cəhdi Ermənistana baha başa gələcək, Çünki regionun iki böyük dövləti, Ermənistan uğrunda gizli mübarizə aparan İran və Rusiya bunu bağışlamayacaq. Bu gedişlə Ermənistanı Suriya və Ukraynanın aqibəti gözləyir. Ermənistan dövlətçiliyi artıq sual altındadır, bu təzyiqlər altında Ermənistan müstəqil dövlət kimi yaşaya bilməyəcək.
Bu gün nə Azərbaycan nə də Türkiyə Ermənistan üçün təhlükə deyil. Azərbaycan öz ərazi bütövlüyünü bərpa edib və istəyinə nail olub. Ermənistanın 30 illik “məğlubedilməzlik” mifini darmadağın edib. Artıq Ermənistanın Azərbaycanla mübarizə aparmaq üçün nə gücü, nə resusu nə də iradəsi qalmayıb.
Amma bu gün əlində olanların çoxunu itirən Ermənistan bunlara da kifayətlənmir. Yürütdüyü bu Fransa yönümlü siyasəti ilə öz dövlətçiliyini də itirməyə doğru gedir.
Erəmənistan unutmamalıdır ki həm ABŞ, həm Fransa, həm də Aİ Ermənistana dəstək olmaq üçün yox, bölgədə möhkəmlənmək üçün Ermənistanı istifadə etməyə çalışır. Lakin İran və Rusiyanın təzyiqləri qarşısında nə ABŞ, nə Fransa, nə də Aİ missiyası Ermənistana kömək edə bilməyəcək. Ermənistanın xilası öz əlindədir. Xilas yolu isə Azərbaycanın şərtlərini qəbul etmək və sülh müqaviləsi imzalamaqdan keçir.
Rəhman Bayramov
Proses.az